2009/12/11（金曜日）
テクノモール
一年一度嘅 Techno Mall， 要去 GCOE 個 booth 到企， 自己個 slot 喺 15:00-17:00，真係唔湯唔水嘅時間， 而且仲要落雨， 真係想蛇王留喺屋企囉。 不過算係有 event， 當係俾個機會自己練習影相都好。
Anyway 12:00 左右去到， 本來諗住搵人食飯， 不過識嘅人唔係 on duty 就係走咗人。 冇計， 拎住部相機周圍走， 練吓影相， 個會場因為都比較暗， 所以練影相都真係唔錯（同埋部機嘅 function 都仲未慣喇）。
自己 on duty 時， 其實先至開始諗； 究竟「アクセス空間支援基盤技術の高度国際連携」其實發緊乜嘢噏風呢？ 結果一齊 on duty 嘅 N 君都唔係好知， 冇辦法之下問 M 先生可以點樣說明， 結果佢就由頭將啲 slide 讀到尾， 用咗十多分鐘， 有邊個會有咁好心機聽呢？ 簡單啲講又唔知點講， 呢啲吹水嘢真係...
不過天無絕人之路， 企企吓， 突然見到笹瀬先生同一個人傾計， 傾傾吓叫咗自己埋去， 原來嗰個人有啲想入笹瀬研， 始終都係留學生， 所以自己嘅經驗某程度都可以幫到手喇。 之後 Madu 都走咗埋嚟， 一路傾一路傾， GCOE 個 booth 完全放置囉（不過本身鬼咁多人企埋去都冇用）。 希望個學生有機會嚟啦。
之後執埋嘢之後， 冇等別嘢做， 同 Madu 去咗銀座嘅一間 KFC 食啲嘢， 吹水吹水， 真係唔知點解話題永遠都唔完㗎囉。
