2010/1/31（日曜日）
雪かき その二
其實尋日真係幾 overdraft 自己嘅體力， 不過個雪屋冧鬼咗， 有啲唔憤氣， 於是決定再 challenge 一次。 今次多兩個人幫手， 而且有當地嘅人指導點樣起好， 一定成功喇！ anyway 食好嘢之後， 準備開工！
除咗間雪屋之外， 仲有年糕， 手整嘅年糕對自己嚟講， 又係一次新嘅體驗喇。 或者有咁多唔同嘅新體驗就係自己鐘意嚟呢個地方嘅原因啦？ anyway 真係好過癮， 不過整年糕真係比起自己想像中要多好多體力，嗰䧸固咁嘅鎚真係唔知幾鬼重， 而且尋日 overdraft 咗嘅體力都未返返嚟， 都係俾其它人俾心機好啲， 自己繼續整雪屋。
整整整， 整到食完飯都繼續整， 五個人總算完成雪屋二號喇！
自己都真係冇嘢好講， 究竟鏟咗幾多雪出嚟呢？ 成身散哂， 不過滿足感真係唔知點樣形容好， 其它人入到嚟不停咁「すごい」嘅時候， 就真係覺得自己嘅努力冇白費囉。
可惜唔太多時間， 坐咗陣就要執嘢走喇。 今次又有機會識多幾個朋友， 真係不枉此行喇。 再咗五個幾鐘頭車， 返到屋企， 差唔多死咗喺度...
呢兩日嘅其中一啲相。 唔記得帶相機喇... 唯有用自己部電話嚟影... 收到朋友嘅相之後再 upload...
2010/1/30（土曜日）
雪かき その一
今朝要負責整早餐， 所以一早起身， 不過都好， 一起身就見到一大片積雪嘅山頭， 真係自己都唔信， 尋晚自己行過啲雪走上嚟都唔覺有啲乜， 不過始終有陽光就真係唔同啲。 anyway 整早餐嘛， 本身冇乜所謂， 不過日式嘅早餐自己又真係唔太識整， 所以做到嘅不過係一啲雜務之類喇。 你叫我整納豆我都唔知可以點整俾你喇。
anyway 食完早餐， 聽咗少少關於鏟雪時要注意嘅嘢， 唔， 好... 眼瞓... 不過冇瞓着㗎！ 全部都有聽到㗎， 不過唔知入唔入腦咁解之嘛。 anyway 準備好， 正式執工具去實習點鏟... 有時有啲地方結咗冰就真係幾係嘢， 同埋用個大雪鏟鏟時， 啲雪真係可以好鬼重囉。
跟住一日就咁不停咁鏟， 最初都着住件大褸， 不過越鏟越熱， 最後都係頂唔順， 剩得件短袖， 真係要寫個服字俾自己， 咁嘅溫度以咁嘅裝備出現... anyway 主要都係攻略之前住過嘅古民家， 起碼要俾個入口重見天日喇。
鏟到四點左右， 其實體力已經有啲去到限界， 不過有人開始鏟個雪屋， 最初都唔為意， 不過越鏟越 high， 尤其係 M 君同埋 M さん， 結果三個人係咁鏟， 其它人去咗温泉自己都唔停手。 係咁掘係咁掘， 完成咗間雪屋！ 基本上係一個空洞， 掘咗啲地方嚟坐， 整埋張檯， 基本上可以用嚟開 party 㗎！ －－ 冇錯， 其實係為咗之後開 party 用， 因為 H さん嘅生日嚟緊， 今日就提早俾個驚喜佢囉。
anyway 去温泉， 從來未試過覺得温泉可以咁舒服。 出面個露天風呂隔離仲要堆咗一堆雪喺度， 真係夠哂風流...
夜晚返到去， 啱啱到時間開飯， 同個温泉一樣， 特別好味嘅一餐， 人， 應該真係時不時體力勞動吓先得？ 食完嘢， 一齊去到個天花冧咗落嚟嘅雪屋... 冇錯， 就係之前啱啱整嗰間， 喺去温泉嗰陣時好似已經冧咗， 唔， 要冧都冇計， 還好唔係有人喺入面時冧， 如果唔係都唔知點算好。 anyway 去到坐咗陣，傾陣計， M さん偷偷哋去拎預先買咗嘅蛋糕出嚟， 開始唱生日歌。 始終係一個 surprise party， 主角基本上都唔知發生乜嘢事， 自己都唱埋一份， 哈哈。 見佢個反應真係幾有趣。 唱到個名時佢先知今次嘅生日會係幫佢開㗎囉。 哈哈。 幾好玩。 之後喺個冧咗天花嘅雪屋裏面食蛋糕， 對自己嚟講都係人生第一次經驗喇。 出奇地， 一啲都唔凍。 而且 S さん閧金口唱歌， 歌聲真係好得冇嘢好講... 而且周圍非常之靜， 好深印象嘅一曲...
之後返返上去分校（我哋瞓嘅地方）， 吹咗陣水， 尋日算係一早瞓咗， 今日都總算有時間可以慢慢吹吓水...
2010/1/29（金曜日）
そうだ、池谷へいこう
朝早都係去監考， 算係幾和平， 其中一個監考員， 之前好以住過喺香港幾年， 知道自己係香港人嘅時候自然地多咗話題。 幾有趣。 有機會真係想再傾多啲喇。
之後返學校， 幫個後輩 check 佢份 presentation 啲嘢， 尋日其實已經 check 咗喇。 差唔多每一頁紙都有 mistake， 真係唔係咁容易做到囉。 anyway 幫佢 check 完之後， 係咁易寫咗啲 code 之後， 都差唔多係時候出發去池谷， 上次十月頭去， 差唔多四個月喇。
去到池袋， 食啲嘢之後就見到朋友 M 君， 好似話仲有一個 S ちゃん會一齊， 不過未見過， M 君望住其中一個人似似哋樣， 但又唔敢肯定， 真係唔知點。 臨上車時嗰個人走嚟問“係唔係池谷？”， 先知道原來 M 君冇估錯...
anyway 坐車坐三個鐘頭多啲， 去到六日町， 等 N さん嚟接我哋， 之前都見過 N さん一次， 好多嘢講嘅一個人， 有時真係唔知點樣俾反應好囉。 冇計之下都真係下意識咁應佢。 anyway 去到池谷， 大大個山頭， 望幾望... 全部都係雪！ 真係好鬼爽囉。 點算， 唔係未見過落雪， 不過落到咁嘅樣真係第一次見囉。 嚇死人...
到咗之後食啲嘢， 見到幾個新朋友， 都係時候準備休息喇... .聽日要晨咁早起身... おやすみ
2010/1/28（木曜日）
Google 会社訪問会
朝頭早都係返學校監考， 冇乜特別， 平平穏穏。 不過有時見到啲學生可以寫錯自己個名時， 真係有啲擔心佢哋過唔過到個考試囉。
下晝又返 lab 做咗陣嘢， 好靜， 冇乜大件事。 不過好快夠鐘， 要去渋谷嘅 google 出席個会社訪問会， 詳細嘛， 有唔少講到 google 內部嘅嘢， 因為有守秘義務所以唔可以喺呢度 public 出嚟喇， 不過可以講嘅係自己會好想入呢間公司囉！ 唔， 始終仲有少少疑問未解決， 問埋先算。
2010/1/27（水曜日）
朝頭早返學校做咗少少嘢之後， 下晝又要監考。 其實都幾悶， 冇乜特別事發生， 天下太平... 不過可能上天見太過太平會悶親自己， 所以出咗啲怪事， 最尾個 section 本身連埋自己兩個學生監考， 點知一個人無端端冇出現， 死咗？ 而且唔少人， 真係唔知點好， 冇辦法之下唯有去試験本部到搵人幫手...
唔係咁 productive 嘅一日。 都冇辦法喇。 夜晚寫 resume...
2010/1/26（火曜日）
唔知痴咗邊條線， 六點無端端起咗身 ， 再瞓又瞓唔着， 都唔緊要喇。 反正都要準備。
返到學校做咗陣嘢， 下晝又要 meeting， B4 嘅 presentation， 上兩個禮拜先聽過， 不過真係麻麻哋， 有少少擔心佢哋過唔過到骨， 唔理得咁多喇。 不過真係悶到飛起， 瞓覺又唔係咁好.. 唔， 結果睡意竟然持續到 meeting 之後， 完全唔係做嘢嘅 mood。 本來同其中一個 B4 講幫佢 check 英文所以都冇 start 到自己嘅工作， 不過後來個 B4 喺冇聯絡嘅情況下走鬼咗， 喂出聲啦...
呀， 結果一整日都唔知自己做過啲乜嚟... 夜晚繼續ヴァルキュリア...
2010/1/25（月曜日）
遲咗返到學校， 都唔緊要， 同個同層嘅同學仔傾咗唔少 GCOE 嘅嘢， 先至發現原來 GCOE 嘅中間訐價有分到 "grade"， 然後隨即發現自己學校嘅 grade... 唔， 詳細唔講喇， 有睇開呢個日記嘅話自然會 get 到， 冇睇開可以個別問， 無謂喺呢度講太多喇。
下晝同 O 君食完嘢之後就去日吉監考， 有時都幾有趣， 望住啲答案， 尤其係 MC 題， 見到有啲明顯撞嘅人嘅 pattern 都幾過癮， 有時係 "ABCDCBABCD", 有時 "ABCDEABCDEABCDE"， 千奇百怪都有， 不過最諗唔明係有啲人連填黑個格仔都懶囉？ 填錯又唔會扣分嘅... 唔... 諗唔明...
夜晚打個電話返屋企， 家常幾句， 不過聽到老媽子講
如果有乜需要就出聲啦。
唔係隨口講嘅一句話， 真係覺得有好大支持， 過往一路以嚟都係諗住靠自己， 未到最壞情況都唔諗住靠屋企， 不過聽到老媽子呢句話， 真係覺得好 encouraging...
2010/1/24（日曜日）
超懶， 喺屋企打打吓機， 打到眼瞓， ZZzzzz 起身又再打過。
夜晚煮嘢食時突然發現自己之前買落嘅豬扒， 好在記得佢嘅存在， 可以即刻叮嚟食， 味噌同豬扒， 原來可以好夾...
2010/1/23（土曜日）
羽毛球日， 最近比較少人到， 不過今日唔知吹乜嘢風， 有成八個人嚟， 包括三個好耐冇見嘅人， 自己都覺得有啲意外。 anyway 人多就自然好玩啲喇。 嘻嘻。
之後照慣例去 Cafe 傾計， 唔， 諗返今日講嘅話題， 其實有啲內容應該收歛吓， 始終都係個人意見， 不過見 C 君講得咁投入， 唔知點解自己都俾佢個 pace 巻咗入去...
夜晚返屋企繼續ヴァルキュリア.. 咦？ 個地圖不斷咁重複...? 不過故事好似都唔錯咁。
2010/1/22（金曜日）
返學校係咁寫 program， 個 GLPK 嗰 part 都應該七七八八喇！ 好嘢， 繼續寫埋堆 message 應該就冇問題喇！ 真係， 之前嘅 decision 就好似拎走咗自己裏面嘅 limiter 咁...
夜晚返屋企， 做好啲雜務之後不斷咁戦場のヴァルキュリア， 新嘅 system 都唔錯咁， 不過都係同 PS3 嘅 graphic 差好遠囉， 當然就一定㗎喇， 最大問題係原來拎住部 PSP 長時間咁打又真係幾攰...
打夜咗， 唔記得瞓覺...
2010/1/21（木曜日）
戦利品
戦場のヴァルキュリア ２ ガリア王立士官学校
呢期基本上都幾早返到學校， 努力工作， 始終畢業時期將近， 點都要做好啲而家嘅嘢， 唔係到時畢唔到業就麻煩啦。
Anyway 之後一整日 ITC， 好多 mail 要覆， 唔知點解啲雜務會落咗喺我身上囉。 不過都冇計， 照去， 反正幫到手就幫啦， 幫唔到手就理佢有鬼。
夜晚撞去横浜買今日嘅戰利品， 啱啱趕得切。 不過其實咁急都唔知做乜， 結果夜晚都冇時間玩... orz...
呀， 話時話今日係奈々ちゃん生日！ お誕生日おめでとうございまーす！
2010/1/20（水曜日）
返學校努力 program， 話時話呢幾日好難得都可以早起身返學校做嘢， 不過當然早起身唔代表唔眼瞓...
點都好， 繼續寫寫寫， 不過有個怪 bug， 又 stuck 咗喺度唔知點好。 anyway 都好多時間用嚟吹水...
話時話新嘅 animation 「はなまる幼稚園」， 笑到死咗喺到咁濟...
2010/1/19（火曜日）
告白
今個禮拜由於要同 GCOE 嘅 staff 講繼唔繼續做 RA， 發生咗咁多事都已經冇打算再續喇。 最大嘅問題始終係 GCOE 完全唔係一個為咗學生而設嘅 program， 做嘅嘢同埋佢大大聲叫嘅口號完全相違， 咁耐以嚟我都冇聽過邊個 RA 滿意佢哋做嘅嘢囉。
點都好， 去同笹瀬先生傾， 始終佢都係 supervisor， 基本上準備咗大大少少唔同嘅理由同佢講...
笹瀬先生， 我打算由下個學期起離開 GCOE...
呢句嘢老實講鼓起相當大嘅勇氣講。 唔， 就正如對自己鍾意嘅女仔表白咁上下？ 得到個答案...
いいや。（冇問題吖）
は…い？冇問題？ 自己都有啲俾呢個答案嚇親。 唔， 估唔到， 可能係以前嘅經驗影響， 總覺得呢啲情況會俾佢留， 點知冇留囉。 可能係自己之前 meeting 好清楚表明 GCOE 嘅“merit”基本上對自己係冇用囉。 anyway 都傾咗陣...
之後再同山中先生交待， 冇問題， 正式同 GCOE 個 staff 講我唔玩喇。 anyway GCOE 對自己嚟講就係剩低嘅兩個月多啲喇！ 唔駛做啲無謂嘢， 感覺真係一流！
之後即刻不斷寫 code， 唔知點解効率奇高囉！
2010/1/18（月曜日）
戦利品
ハヤテのごとく！ ２２
好耐冇試過咁早返學校， 早返學， 火車上見到嘅人都唔同啲， 平時好少見到識得嘅人， 今日竟然見到以前教過自己 networking 嘅 Prof T... 雖然見到都冇乜幾句...
結果呢日就同 GLPK 死過， 今次唔係就咁 call command， 不過都要 generate 個 model 同 data file， 同佢慢慢死過。
最後一堂嘅 GCOE lecture， 嗰個咁嘅俄羅斯輪盤， 真係唔太知佢講乜。 唔， 唔理得咁多， 自己喺度睇 presentation zen design 本書， 唔知點解 Garr 講到一啲壞嘅 example 嘅時候， 抬起頭望一望出面個所謂 presenter， 就即刻有 example， 某個程度真係要寫個服字俾佢哋。
ハヤテのごとく！， 依然冇令人失望嘅一期。 やっぱりヒナかわいい…不過最後個 scene... 唔... 會係點發展落去呢？ 期待下兩期（聽講話兩期一齊出喎）
2010/1/17（日曜日）
基本上一整日留喺屋企休息... 人老咗休息嘅時間都長咗（應該冇關係...?）。 昏睡時， 發咗啲怪夢， 夢見朋友搬咗嚟日本住， 去佢新居玩時唔知點解喺香港嘅朋友都一齊嚟咗玩... 但係又唔知點解之後坐火車坐咗去冇雷公咁遠... 乜嘢事...
話時話とある科学の電磁砲嘅新 OP， 同之前嘅 OP 有一貫性， 唔錯唔錯， 另外 OP 嘅 animation 自己都覺得好滿意～～
2010/1/16（土曜日）
羽毛球日， 唔， 最近少咗人嚟， 四個人， 其實都冇問題， 練習吓都好， 不過始終體力有限喇。 之後同同場幾個唔識嘅人打， 哎呀呀， 慘敗...
平時去開嘅東大イタトマ， 今日因為考試關係去唔到， 轉去附近嘅一間 cafe， 吹水， 唔知點解個話題好鬼嚴肅；日本嘅未來... 嘩， 乜嘢事？
夜晚又去渋谷 TSUTAYA 租 CD， 跟住返屋企慢慢 rip， 之前一路都 rip 一份 flac 同一份 ogg， 始終都覺得麻煩， 索性寫個 script 將 flac 直轉去 ogg， 唔， 真係冇幾可寫 script， 竟然用咗兩個幾鐘寫， 不過都要 check metaflac 等等東東嘅 usage 喇， 寫完之後以後慳嘅時間應該都唔少嘛， 結果 alright 就得啦！
rip 哂啲 CD 走出去出面間 7-11 宅急便， 寄哂佢。 搞掂！
2010/1/15（金曜日）
朝早晨咁早起身去朋友嘅 PhD thesis defense， 老實講， 完全唔同 area， 所以都唔係好明佢講乜， 不過我諗比較大嘅問題係佢用嘅顏色啩？ 真係覺得幾唔夾。 anyway 喺日本通常都冇人理呢啲嘢㗎喇。 個 defense 冇乜人， 佢 supervisor 仲叫台下做馬嘅自己同埋幾個其它人問問題， 唔... 即管諗個問題啦... anyway 總括收到嘅結論， 順利完成！ 恭喜恭喜！
之後最咗陣自己嘢， 又有撞鬼嘅 GCOE lecture， 真係有啲殺氣... 不過其實正確嚟講應該係怨氣喇。 真正嘅殺氣仲跟住嚟。
乜嘢事咁重殺氣呢？ 應承咗朋友保守秘密， 所以喺呢度都唔講得喇， 不過就係一啲非常之唔公平嘅事， 聲稱自己係一個 project 嘅 leader， 可以做到咁唔公平， 真係怒上心頭。 點樣處理呢件事， 真係要等心情平復少少之後再打算。
2010/1/14（木曜日）
仍然係和平嘅一日。 ITC 亦都算係風平浪靜， 話時話 ITC office 入面幾個 NTT 嘅 staff 就真係冇乜溝通， 唔單止自己， 就連正式喺呢度嘅 staff 通常都同佢哋冇乜幾句咁。 真係幾奇怪， 同一個空間， 但係好似隔得好遠咁...
朋友文小姐生日喇！ 恭喜恭喜！ 呢排香港啲朋友好多都有唔少開心事咁， 唔知係唔係 2010 年旺呢？ 哈哈。 唔該啲旺氣旺到我畢業同做工！ 謝謝！
2010/1/13（水曜日）
返學校做嘢， 之前個麻煩問題解決咗， 叫做順利咗， 可以係咁寫其它嘢。 順利咗就係咁寫寫寫， 好耐冇試過寫 program 寫得咁開心喇。 anyway 另外都用咗唔少時間吹水， 唔， 真係諗唔明自己。
夜晚返屋企， 唔知點解一開始就做哂啲雜務， 咦？ 原來夜晚可以咁多時間㗎咩？ 平時自己究竟做乜冇哂啲時間真係諗唔明。 唔...
Anyway 睇書... presentationzen design 睇嚟都冇買錯...
2010/1/12（火曜日）
戦利品：
明日のよいち 9-11
返學校， 好耐冇開嘅 meeting， 基本上係 B4 嘅發表練習， 好多多俾笹瀬先生炸到體無完膚... 冇嘢嘅， 好過之後俾其它先生炸嘛！
Meeting 完咗之後返去做自己嘢， 終於都解決咗之前嗰啲謎一樣嘅 memory allocation 問題， program 算係順順利利咁 run 喇。 唔。
夜晚本來約咗兩個香港朋友去渋谷食飯， 不過臨時 cancel， 呀， 之前兩日租碟時預咗今日會食飯所以定咗今日還碟嘛， 結果要專程走出嚟， 早知係咁俾多四百円宅急便還好過... 不過都好， 唔覺意喺 bookoff 搵到要搵嘅書...
2010/1/11（月曜日）
一整日 youtube， 發現原來 youtube-dl 個 script 原來可以 input 個 file list 同埋 set output 名 template， 超方便。
結果一整日瞓覺同埋禁書目録... 一日睇完廿集...
2010/1/10（日曜日）
尋日係咁吹水， 吹到五點... 真係撞鬼。 不過好耐冇傾過都冇乜所謂喇。
anyway 下晝休息， 話時話屋企而家七國咁亂， 真係要執吓先得。
夜晚約咗 P ちゃん去食嘢， 基本上又係吹水， 乜自己咁鬼多口水嘅咩？
返到屋企不斷喺度睇 youtube 裏面嘅とある魔術の禁書目録...
2010/1/9（土曜日）
羽毛球日。 今年第一劑， 上年最後一次俾個無厘頭 winter camp 用鬼咗啲時間。 anyway 今日四大個人， 慢慢 practice...
完咗之後， 去到渋谷， 本來諗住睇吓舊書， 不過 C 君見冇嘢做所以一齊行， 行咗陣， 冇乜好睇， 去咗吹水... 都真係幾多無謂嘢可以講， 唔... 不過好多時私低下傾計， 就有好多秘密可以聽，不過呢， 有時覺得自己知道太多秘密喇... 知得太多未必係一件好事囉。
Anyway 之後再去 TSUTAYA 租 CD， 唔， 渋谷呢間 TSUTAYA 所收嘅 C木之多真係有啲嚇親。 anyway 一次過租成八隻， 過幾日還。
返到屋企， 見到之前買嘅 presentation zen design ， 吊咗喺門口度囉。 真係撞鬼。 算， 總之本書到咗就冇問題啦。 慢慢睇。
夜晚一路睇書一路聽歌， 之後再一路同個廣東話班學生 chat 咗幾個鐘...
2010/1/8（金曜日）
返學校同啲 code 死戰， 不過都係未明白個問題所在， 唔， dup packet 用同一個 reference 都唔緊要， 自己衰都冇嘢好講， 但係睇返個 backtrace 唔覺得係自己問題囉？ 唔， 有鬼...
anyway 放假前都唔駛咁搏命啩？
2010/1/7（木曜日）
食下晝飯時突然收到同學嘅 email "go to Professor's office asap"， 以為有乜大件事， 但又要返 ITC 喎， 冇理到， 不過問番原來都唔係乜嘢大事， 之前要幫手嘅一啲嘢嚟喇。 呼。
ITC 嘅一日。 算係幾和平喇。 不過 ITC 如果唔和平都幾驚...
研究轉用 git， 不過 svn 一路以嚟其實都冇乜唔好， 反正自己有 server， 不過就梗係想玩啲新嘢囉...
2010/1/6（水曜日）
戦利品：
とある科学の電磁砲 1-4
とある魔術の禁書目録 1-5
バンブーブレード 11,12
今日學校開番， 有得返去做嘢， 不過朝早繼續去咗 bookoff 搵書， 唔， 搵到とある魔術の禁書目録兩期， 一頭一尾， 都好， anyway 返學校做嘢。
對住好耐冇見過嘅 bug， 唔係好記得之前發生過乜事， 唔， 睇咗好耐先醒返起之前喺乜地方死咗喺度， 慢慢 debug... 不過真係唔記得好多嘢喇。
返屋企前又去買書， 一次過買咁多都真係比較少有...
2010/1/5（火曜日）
戦利品
バンブーブレード 7-10,7.5
一連幾日走去 MM21， 一路都好少咁樣， 不過前兩日買咗嘅幾本漫畫， 一睇就想追落去， 唔， 於是今日又走咗去唔同嘅 bookoff 搵喇。 去完 MM21， 再去伊勢崎之後走返去東口... 結果買咗今日嘅戰利品喇。 唔。
返屋企慢慢睇書...
2010/1/3（日曜日）
戦利品
明日のよいち 1-8
バンブーブレード 1-6
下晝先起到身， 哈哈。 咁落法過幾日開學時都唔知幾多點先起到身。 不過都唔理得咁多喇。
去還 CD， 還完之後個袋輕飄飄， 反正有時間就喺 Tsutaya 行吓， FF13 都玩得七七八八， 都係時候搵吓其它嘢消磨時間， 本來想搵“とある科学の超電磁砲”嘅漫畫， 搵唔到， 都冇計， 搵到之前想搵嘅其它書， 都好， 一次過買始終都唔係少嘢， 返屋企慢慢睇...
整日都喺度 loop "only my railgun"...
2010/1/2（土曜日）
尋日睇返集“とある科学の超電磁砲”， 突然好想搵首主題曲， 冇計啦， youtube download 落嚟嗰啲， 勉強聽住先都仲得， 不過真係幾 noisy 囉， 都係搵 CD rip 先至似啲樣。 於是去咗 TSUTAYA， 順手當去散步都好嘛。 不過話時話都有一段時間冇去喇， 而家 merge 埋間 bookoff，感覺上間舖窄咗不過都 OK 嘅。 而且方便咗好多嘛。真係剩係喺呢間舖頭都夠消磨幾個鐘... 可惜想搵嘅 DVD 搵唔到囉。 遲吓先算。 租到隻“とある科学の超電磁砲”OP, 順手租咗其它幾隻 CD， 嘻嘻。 返屋企慢慢聽。
2010/1/1（金曜日）
明けましておめでとうございます
明けましておめでとうございまーす。哈哈。 今日又好鬼遲先起身， 新年早早就咁嘅樣， 冇計。
Anyway 執好個人之後就慣例咁走去神社行吓， 其實真係冇乜特別目的， 不過都係想感受吓啲氣氛咁喇。 好多人...
anyway 今日都冇乜特別嘢做， 返到屋企不斷 loop "only my railgun"， 不過 youtube download 落嚟嘅 quality 真係超有限公司， 無論首歌幾好都打咗個四折？ anyway 好似 TSUTAYA 有得租， 下次出去租先。
話時話之前買嘅らき☆すた， 超難しいじゃん…撞鬼... 估你唔到。