2010/2/10（水曜日）
Workshop @ CSIRO
繼續 workshop 之旅， 今日下晝要去一個叫 CSIRO 嘅研究所， 朝早有啲時間， 走咗去外面搵地方上網， M 記好似有得無線上喇， 所以一齊拎 notebook 走咗去， 結果上唔係上唔到， 慢到鬼咁， 上 check in 張機票都唔得。 唔， 麻鬼煩， 算數， 唔理佢咁多， 結果一齊去咗 net cafe 搞掂佢算。
下晝去到比較遠嘅 CSIRO， 本來諗住可以周圍走， 誰知基本上都係 stay 喺度聽 present， 最後先有啲時間可以行吓。 不過見到呢啲地方做嘅 research 又真係唔同大學喇。 大學真係吹吓水， 叫做講得通就冇問題， 呢度就唔係咁得咁囉。
唔， 好快就完咗今日嘅 activities， 有啲空檔時間， 結果去咗附近嘅 market city， 個商場， 成個香港商場咁， 果然係香港人熱門移民嘅地方。
anyway 食飽之後， 叫做行咗陣， 不過其它人基本上都冇乜 energy 喇， 所以都係再周圍走吓之後就返酒店休息... 聽朝要早起身嘛。
基本上三日嘅悉尼之旅就咁完咗。 感想嘛， 成個香港咁囉。 不過始終地方大， 算係一個幾舒服嘅地方。 唔。 有機會 private 嚟嘅話都應該幾好。 不過坐咁多個鐘頭機就真係幾攞命...